「奶樽保齡球」

難得一日假期，當然要好好休息一下之餘，亦都要善用時間。所以我地決定整理一下 BB 的東西。

整整下，原本亂到九彩的 storage room 終於似番間房，起碼我都可以行到入去。

之後就係戲肉 ----- 奶樽。

玩左一陣「奶樽保齡球」之後，我地將奶樽放入去個煲入面蒸左十幾分鐘，主要其實都係消毒。趁現在仲有時間我都想砌埋張床，不過都係被嘉燕媽媽阻止左。

今日又去左買定幾 pack 即影即有菲林準備影 BB，順便幫 Auntie Vyce 睇下有無寶麗來的菲林。結果都係無的。而另一個發現就係 Fuji 出了部新的 Instax 210。早知我等多兩個月先買啦。