掛念

星期五，朗朗終於出院了，一家都安樂晒。但由於媽媽病了，所以朗朗都唯有留在婆婆屋企啦，可憐的爸爸、媽媽辛苦了成個星期都冇得同囝囝玩，真無奈！

星期日，媽媽好返d，就即刻去婆婆度睇下個囝，好彩，見到佢望到我們個樣都會笑得好甜，個心都好過d！

星期一，因為公公生日，爸爸、媽媽又可以見到小朗，佢比之前叻左，差唔多成餐飯都冇瞓，同我們一齊慶祝，有進步，總算唔係一出街見人就瞓。

星期二、星期三都見唔到朗朗，好掛住佢呀！唔知佢識唔識掛住我們呢？

返工三個星期，朗朗都未試過順利在婆婆家住足一個星期，今個星期一住就要由星期五住到第二個星期六，唉．．．

為了要見證囝囝的每一個珍貴的成長片段，爸爸、媽媽都係時候好好部署將來喇．．．