第三度發燒之無食過一次藥就出院

媽媽忙到甩肺, 等爸爸 update 下.

11/11 係爸爸壽辰, 點知陳小朗又發燒. 唔係太高, 不過都係帶佢睇急症.

例牌檢查, 又例牌送佢入院觀察. 於是爸爸的生日就係醫院度過.

之後住左兩日, 無食過一次藥就出院. 醫生話, 可能都係傷風囉. (Model answer)

依我看, BB 病係有需要0既. 一來發燒會長高, 二來病係有助產生抗體 - 咁樣係積極0既想法.安慰下自己都好.

當然 - 說到底, 邊個想病?

有左呢三次發燒0既寶貴經驗, 以後應該應付自如.

聽日攞把軟尺, 度下小朗有無長高左先.