壓軸的聖誕禮物

今日係大除夕，我同老公、小朗一齊渡過，雖然我們平淡地在家吃飯，但卻開心囝囝在我們吃飯的時候在我們身邊笑同不停地“bu bu bu”，上年今日，老公一班同事來我們家倒數，大家都期待bb的出世，唔知下年今日又會係點呢？

明天就係新的一年了，希望大家心想事成，開開心心，而我的願望永遠都係大家身體健康！

過去幾日，囝囝令媽媽好開心，因為爸爸媽媽好耐冇試過連續同小朗一齊咁耐，就因為咁，媽媽的工作唔知幾時完成，好彩婆婆29、30號來幫下手，媽媽先叫開始咗少少咋，要繼續努力！

今日，媽媽去銅鑼灣打針，爸爸同囝囝陪埋去，又買多份可能係壓軸的聖誕禮物：一雙鞋比佢，好得意架！點解話係可能？因為敏姨可能仲送多一份比佢，唔知係咩呢？