終於等到喇

星期一:廣華覆診,去到的時候,第一個感覺係:唔係啩,多人成咁,冇位坐要企的準媽媽超過十人,於是護士姐姐就發出廣播,請陪伴的男士讓座.其實,係個度等真係有d難受,又多人,又焗,仲有個中年婦人好大聲咁講佢的經歷,令人煩上加煩,悶上加悶.

終於,等咗個幾鐘,可以見醫生喇,依舊係摸兩下,再度一度,然後再聽埋心跳,ok,兩個星期後見,我等咗咁耐,梗係要問下個BB而家的情況,調咗頭未啦?醫生的答案係:呢,咪調咗囉,個頭在下面架喇,你唔覺得成日想去小便咩?坦白講,我真係唔覺,好似同平時冇咩分別......Anyways,都應該係個好消息啦,不過,為咗讓陳生可作出唔出trip的決定,我已book咗醫生聽日再check清楚個情況(當然,我一定唔想佢去啦,不過,我明白同尊重佢的決定嘅,聽日先算啦).

另外,一個貪靚的準爸爸早前在網上訂咗兩件佢的至愛球隊:曼聯的BB衫,尋日,終於收到喇,個件冬天的外套確係幾得意,攪笑的佢,仲望住件衫仔同我講:你叫你個妹千萬唔好訂利物浦D衫比BB,以免混淆.真好笑...