可憐的朗朗

今星期,朗朗要接受好多挑戰同痛苦,首先,佢要離開出世開始住咗兩個月的屋企,適應新的寄宿生活,雖然係婆婆屋企都有好多人錫,但畢竟都要離開爸爸媽媽嘛,都會有D唔慣(其實更覺得唔慣的是爸爸媽媽),好悽涼啊!其次,佢仲要開始吃奶粉,我唔知兩者比較味道如何,但食的感覺就好唔同,我諗...會少咗一份親切的感覺.最後,年紀小小的朗朗一星期就要比人拮兩次,拮完左腳拮右腳,一支針的反應完咗第二支又來,好彩佢都唔係十分怕痛,如果唔係,見到佢不停為打針痛而大喊,我真係陪佢痛埋一份......